সুতথ্য এক দিজিটেল যাত্ৰা , এই ব্লাগটিত অসমীয়া ভাষাত বিভন্ন ধৰণৰ তথ্য আৰু বিভন্ন টেকনিকেল বিষয় সম্বন্ধে লিখা হয়। অসমীয়া ব্যাকৰণ তথা ৰচনা আদি ইয়াত উপলব্ধ। আজিৰ এই লিখনিৰ দ্বাৰা অসমীয়া ব্যাকৰণৰ কিছু আলোচনা কৰা হব । আজিৰ এই লিখনিত অসমীয়া ভাষাৰ খণ্ডবাক্য আৰু জতুৱা ঠাঁচ ( khanda bakya aaru jatuwa thas ) কিছুমান আলোচনা কৰা হ'ল ।
এই খণ্ডবাক্য আৰু জতুৱা ঠাঁচ বোৰ বিভিন্ন প্ৰতিযোগিতামুলক পৰিক্ষাৰ বাবেও দৰকাৰি । খণ্ডবাক্য বা জতুৱা ঠাঁচ অসমীয়া ব্যাকৰণৰ এক অতি গুৰুত্বপূৰ্ণ বিষয়। আজি এই লিখনিত খণ্ডবাক্য বা জতুৱা ঠাঁচৰ দ্বাৰা বাক্য ৰচনা কৰাৰ বাবে কিছু উদাহৰণ লৈছো। আজিৰ আলোচনাত শতাধিক খণ্ডবাক্য বা জতুৱা ঠাঁচ আলোচনা কৰা হ'ল। এই খণ্ডবাক্য বা জতুৱা ঠাঁচ বোৰ অতি দৰকাৰি । এই খণ্ডবাক্য বা জতুৱা ঠাঁচ বোৰ জনাতো সকলোৰেই বাবে প্ৰয়োজনীয় । কাৰণ, খণ্ডবাক্য বা জতুৱা ঠাঁচ হ'ল অসমীয়া ব্যাকৰণৰ এক অতি গুৰুত্বপুৰ্ণ বিষয় ।
অসমীয়া ব্যাকৰণৰ | Assamese Grammar | Khanda Bakya Aru Jatuwa Thas
জতুৱা ঠাঁচ মানে কি?
Contents
Khanda Bakya Aru Jatuwa Thas - খণ্ডবাক্য | জতুৱা ঠাঁচ | বাক্য ৰচনা
১। পানীৰ তলৰ কাঁইট ( গোপন শত্ৰু )
- কোন কাৰ পানীৰ তলৰ কাঁইট সেইটো বিচৰাতো সম্ভব নহয় ।
২। বুকুৰ কুটুম ( অতি আপোন )
- তেখেত মোৰ বুকুৰ কুটুম আছিল ।
৩। হাত লৰ ( চোৰ স্বভাব )
- হাত লৰ স্বভাবৰ মানুহে সদাই সুযোগ পালেই আনৰ বস্তু নিবলৈ বিচাৰে।
৪। গাই বাই চা ( সকলো প্ৰকাৰৰ চেস্তা কৰি চোৱা )
- তেওঁ বেংকৰ লোন টোৰ বাবে গাই বাই চালে যদিও একো ফল ন'হল ।
৫। চকু চৰহা ( আনৰ ভাল দেখিব নোৱাৰা )
- চকু চৰহা মানুহে আনৰ উন্নতি কেতিয়াও সহ্য কৰিব নোৱাৰে ।
৬। খাই পাত ফলা ( অশলাগী / উপকাৰীৰ শলাগ নোলোৱা )
- খাই পাত ফলা লোকক মই কেতিয়াও ভাল নাপাও ।
৭। চকুৰ কুটা দাঁতৰ শাল ( শত্ৰু/ একেবাৰে দেখিব নোৱাৰা )
- কাৰোবাৰ বাবে চকুৰ কুটা দাঁতৰ শাল হৈ একো লাভ নাই ।
৮। আলাসৰ লাড়ু ( অতি মৰমৰ )
- নাতি-নাতিনীহত আইতাকৰ বাবে আলাসৰ লাড়ু ।
৯। ধোদৰ পচলা ( অকামিলা/এলেহুৱা মানুহ )
- ধোদৰ পচলা হৈ ঘুৰি ফুৰি আজিৰ দিনত একো লাভ নাই ।
১০ । সাত ঘাটৰ সৈয়াকণী ( অতি চতুৰ / অতি দুষ্ট )
- জন্তু কুলৰ ভিতৰত শিয়াল হ'ল সাত ঘাটৰ সৈয়াকণী ।
১১। দলনিত পোনা মেলা ( আলাই-আথানি কৰা )
- যোৱাবাৰ বানপানীয়ে আমাৰ গাওঁৰ ৰাইজৰ দলনিত পোনা মেলিছিল।
১২। ইহলীলা সম্বৰণ কৰা ( মৃত্যু হোৱা )
- কেবাদিনো কৰোনা বেমাৰৰ সৈতে যুজি অবশেষত মানুহজনে ইহলীলা সম্বৰণ কৰিলে ।
১৩। লোকান্তৰ ঘটা ( মৃত্যু হোৱা )
- কেবাদিনো কৰোনা বেমাৰৰ সৈতে যুজি অবশেষত মানুহজনে ইহলীলা সম্বৰণ কৰিলে ।
১৪। কাণে কাণ মাৰি ( কোনোমতে / কথমপি )
- সি কাণে কাণ মাৰি পৰীক্ষাত উত্তীৰ্ণ হ'ল ।
১৫। ঘৰ পতা ( বিয়া বাৰু কৰ )
- সময় থাকোতে ঘৰ খন পতাৰ বাবে আইতাকে তাক পৰমৰ্শ দিছিল ।
১৬। কাণ কটা ( দুষ্ট স্বভাবৰ )
- কোনো কাণ কটা লোকেহে তেনে কাম কৰিবলৈ সাহস কৰিব পাৰে ।
১৭। কপাল ফুল ( সৌভাগ্য উদয় হোৱা )
- লটাৰিত জিকি তাৰ কপাল ফুলিল ।
১৮। গা গধুৰ ( লেধা/ কামত ধীৰ গতি )
- তেওঁৰ নিছিনা গা গধুৰ মানুহে এই কামতো দহ দিনতো শেস কৰিব নোৱাৰে ।
১৯। হাত টান ( কৃপণ )
- হাত টান মানুহে কেৱল ধনহে চিনি পাই ।
২০। পাবত গজা ( অস্বাভাৱিক )
- এনে তুলনীয় মন্তব্য কেৱল পাবত গজা লোকেহে দিব পাৰে ।
২১) অকাজভাগী ( কামৰ অযোগ্য )
অকাজভাগী লোকসকেলে সদাই নিজৰ কামৰ বোজা আনৰ হাতত গোটাই দিবলৈ ভাল পায়।
২২) অজীণ পাতকী - ( কাৰো লগতে মিলিব নোৱাৰা বা দন্দুৰা )
তাৰ নিছিনা অজীণ পাতকী এজনক কোনো ভাল মানুহে ভাল নাপায়।
২৩) অনুষ্টুপীয়া - ( সামান্যভাবে )
সিহঁতৰ বিয়াখন বাপেকৰ বেমাৰৰ বাবে অনুষ্টুপীয়াকৈ পাতি থলে ।
২৪) অলপ পানীৰ মাছ - ( সামান্য শক্তি থকা )
অলপ পানীৰ মাছ বুলি আমি কেতিয়াও কাকো অবজ্ঞা কৰা উচিত নহয় ।
২৫) অথাই সাগৰ - ( ডাঙৰ বিপদ )
এইবাৰ বানপানীয়ে আমাৰ গোতেই খেতিপথাৰ নষ্ট কৰাৰ হেতুকে আমি অথাই সাগৰত পৰিছো ।
২৬) অপাৰ সমুদ্ৰ - ( মহাবিপদ )
এইবাৰ বানপানীয়ে আমাৰ গোতেই খেতিপথাৰ নষ্ট কৰাৰ হেতুকে আমি অপাৰ সমুদ্ৰত পৰিছো ।
২৭) আটোম টোকাৰি - ( পৰিপাটি )
পুথিভৰালটোত কিতাপবোৰ আটোম টোকাৰিকৈ ৰখা হৈছে ।
২৮) আকাশত চাং পতা - ( অস্বাভাৱিক কল্পনা কৰা )
আকাশত চাং পতা কথাত বিশ্বাস কৰি কোনো লাভ নাই ।
২৯) আঁঠুৱা তলৰ মহ - ( পৰৰ অধীন / অতি সামান্য )
তাৰ নিছিনা আঁঠুৱা তলৰ মহ এটাক কোনোৱে বিশ্বাস নকেৰে ।
৩০) আলিবাটত চালি ধৰা - ( কোনো কাম বন নকৰি এনেয়ে ধুন মাৰি ফুৰা )
তাৰ নিছিনা আলিবাটত চালি ধৰা এজনে কেনেকৈনো ঘৰ চলাৱ পাৰিব ।
৩১) আমা-ডিমা - ( নিচেই সৰু )
অকালতে গিৰিয়েকৰ মৃত্যু ঘটাত তিৰোতাজনীৰ তিনিটাকৈ আমা-ডিমা ল'ৰা- ছোৱালী লৈ বৰ বিপদত পৰিছে ।
৩২) ঊনৈশ-বিশ - ( কম-বেছি )
আজিকালি বস্তু বাহিনিৰ দাম প্ৰায়েই ঊনৈশ-বিশ হৈ থকা দেখা যায় ।
৩৩) এলাই বাদু- ( কামৰ অযোগ্য / অকাজী )
এলাই বাদু মানুহৰ জীৱনত কোনো দিনেই উন্নতি নায় ।
৩৪) একাদশত বৃহস্পতি - ( সৌভগ্য উপস্থিত হোৱা )
বহুদিনৰ মুৰত সন্তান এটি জন্ম হোৱত সিহঁতৰ ঘৰত একাদশত বৃহস্পতি আহি পৰিল ।
৩৫) খাই পাত ফলা- ( অশলাগী / উপকাৰ অস্বীকাৰ কৰা )
তাৰ নিছিনা খাই পাত ফলা এটাৰ লগত সম্বন্ধ গঢ়ি মোৰ কোনো লাভ নাই ।
৩৬) চুঙাৰ বাদুলি- ( অনভিজ্ঞ মানুহ )
চুঙাৰ বাদুলি মানুহক সকোলোৱে ঠগি খাই ।
৩৭) মাটিৰ মানুহ- ( অতি সহজ-সৰল মানুহ )
তেওঁৰ দৰে মাটিৰ মানুহ মই আন এজন আজিলৈ দেখা নাই ।
Also Read : Assamese Grammar এটা শব্দত প্ৰকশ কৰা
৩৮) হাড়ত বন গজা - ( বহু দিন আগতে মৃত্যু ঘটা )
মানুহজন এতিয়াও এই পৃথিৱীত নাই ,তেওঁ হাড়তো বন গজিল ।
৩৯) কথা চহকী- ( বৰকৈ কথা কোৱা লোক )
সি বৰ কথা চহকী মানুহ, তাক মই অলপো ভাল নাপাও ।
৪০) সময়ৰ শৰ - ( সময়মতে কাম কৰা )
সময়ৰ শৰ সময়ত মাৰিলেহে জিবনত কিবা কৰিব পাৰিবা ।
তাইৰ অপৰূপ সৌন্দৰ্য্যই তাইৰ নিজৰ বাবে হৰিণাৰ মাংসই বৈৰী হৈ পৰিল ।
৪২) হাতত সাৰে ভৰিত সাৰে - ( গোপনে / মনে মনে )
ঘৰৰ মানুহবোৰ শোৱাত চুৰতোৱে হাতত সাৰে ভৰিত সাৰে ঘৰৰ সোনৰ অলংকাৰ সহ বহুতো দামি বস্তু লৈ উধাও হৈ গ'ল।
৪৩) শঠা-মিতিৰ - ( নিজৰ স্বাৰ্থ সিদ্বিৰ বাবে মিছাকৈ পতা বন্ধু বা মিতিৰ )
সি তাৰ নিজৰ কামৰ বাবে সেই বাটৰুৱা জনক শঠা মিতিৰ পাতিছিল ।
৪৪) ৰচকী পখিলী - ( অতিপাত ধুন-পেছ মাৰি ফুৰা তিৰোতা )
অমুকৰ ঘৈনীয়েক গৰাকী অতিকৈ ৰচকী পখিলী ধৰণৰ মহিলা ।
৪৫) ভিকাচন ভাগ - ( জীৱিকাৰ পথ নাইকীয়া হোৱা )
চাকৰিতো হেৰুৱাই তাৰ ভিকাচন ভাগিল ।
৪৬) পোহাৰি চুপতি - ( মূল্যহীন কথা / অৰ্থহীন কথা )
তাৰ সেই পোহাৰি চুপতি মাৰি ফুৰা স্বভাবতো আৰু কোনোদিনেই ন'গল ।
৪৭) দীকছৌ - ( বহুদুৰ )
তাৰ মদাহী বাপেকে দিনদ দিনতো দীকছৌ বনত ঘুৰি-ফুৰি ৰাতি দহ বজাহে ঘৰ সোমালেহি ।
৪৮) শহাকণীয়া - ( সতৰ্ক হৈ থকা )
শহাকণীয়া মানুহবোৰ সহজতে বিপদত পৰা দেখা নাযাই ।
৪৯) পানীৰ মিঠৈ - ( সজা কথা )
তাৰ কথাত কোনো দিনেই বিস্বাস নকৰিবা, সি পানীৰ মিঠৈ বৰ ভালকৈ সাজিব জানে ।
৫০) সাত ঘাটৰ চেঙেলী - ( বৰ টেঙৰ মানুহ )
তাৰ নিছিনা সাত ঘাটৰ চেঙেলী মই আৰু আজিলৈ কতো দেখা নাই ।
৫১ ) ছলাহ-মলাহ - ( ফাকি-ফুকা দি ফুৰা )
৫২ ) ছাল বাকলি নোহোৱা ( সম্বল নথকা )
৫২ ) আঁঠুৱাৰ তলৰ মহ ( দুৰ্বল শত্ৰু )
৫৩) অজৌ গছৰ বজৌ গুটি ( অতি দুষ্ট স্বভাবৰ )
৫৪) কাণে কাণ মাৰি (কোনোমতে / কথমপি )
৫৫) কপাল ফুল ( সৌভাগ্য উদয় হোৱা )
৫৬) থেৰোগেৰোঁ কৰা ( কোনো এটা কাম কৰো নে নকৰো তেনে অৱস্থাৰ কৰা )
৫৭ ) চকু দিয়া (নজৰ ৰখা)
৫৮) কাণ কটা ( দুষ্ট প্ৰকৃতিৰ )
৫৯) ঢৌতে খৰ মাৰ (বহুত ব্যস্ততাৰ মাজতেই অলপ সময় উলিয়াই লোৱা )
৬০) দুই নাও দুই ভৰি হোৱা ( কি কৰো-নকৰো অৱস্থা হোৱা)
৬২) চকু গজা ( জনা-বুজা হোৱা / জ্ঞান হোৱা )
৬৩ ) জয়-জয় ময়-ময় ( ভাল অৱস্থা )
৬৪) জয় ঢোল কোবোবা ( বৰ বেছিকৈ প্ৰকাশ কৰা )
৬৫) বুকুৰ কুটুম ( অতি আপোন )
৬৬) গা গধুৰ ( লেধা প্ৰকৃতিৰ )
৬৭) হাত লৰ ( চোৰ স্বভাৱৰ )
৬৮) অজীন পাতকী (দুষ্ট প্ৰকৃতিৰ )
৬৯) উভৈনদী ( ভৰি থকা, উপচি থকা )
৭০) কাণ বাগৰা ( লোকৰ মুখে শুনা )
৭১) ঘৰ পতা ( বিয়া বাৰু হোৱা )
৭২) হাত টান ( কৃপণ )
৭৩) গাজত লগা (দুখজনক / মৰ্মান্তিক/ হৃদয় বিদাৰক )
৭৪) ন দি ক ( ডাঠি ক বা জোৰ দি ক )
৭৫) পাবত গজা ( অস্বাভাৱিক )
৭৬) চকু চৰহা ( আনৰ ভাল দেখিব নোৱাৰা )
৭৭) পেটে ভাতে খা ( কোনোৰকমে খাই বৈ চলি থাক )
৭৮) বিনা মেঘে বজ্ৰপাত ( অকস্মাৎ বিপদ অহা )
৭৯) আমন-জিমনকৈ ( মনমৰা থকা )
৮০) টুপাই বুৰ মাৰ ( আসৈ মাত/ মিছা মাত )
৮১) খাই পাত ফলা ( অশলাগী/ উপকাৰীৰ উপকাৰ স্বীকাৰ নকৰা )
৮২) উনৈশত বা বলা ( বিলাস আৰু আনন্দত ঘূৰি ফুৰা )
৮৩) উভত গোৰে নচা ( নষ্ট কৰা / অত্যাচাৰ কৰা )
৮৪) এলাই বাদু ( একো কামৰে যোগ্য নোহোৱা )
৮৫) উলহ মালহ (আনন্দ উৎসৱ হোৱা )
৮৬) আকাশ কুসুম ( মনৰ মিছা কল্পনা-ভাৱনা )
৮৭) কুন্দত কটা ( বৰ ধুনীয়া, নিপোটল )
৮৮) জাকত জিলিকা ( বিখ্যাত )
৮৯) বগলী ভকত ( মিছলীয়া সাধু / মিছা সাধুতা )
৯০) এৰা-ধৰা ( আপোচমূলক )
৯১) পোটক তোল ( প্ৰতিশোধ লোৱা )
৯২) পেপুৱা লাগ ( বিবুদ্ধি হোৱা / ভয় পোৱা )
৯৩) বাপতি-সাহোন ( পৈত্ৰিক সম্পত্তি )
৯৪) হাতত সাৰে ভৰিত সাৰে ( কোনো সাৰ-সুৰ নোহোৱাকৈ )
৯৫) ডলাৰ বগৰী (সঘনাই স্থান পৰিবৰ্তন কৰা )
৯৬) গাই বাই চা ( কাকূতি-মিনতি কৰ )
৯৭) আশা ভৰসা ( আশ্ৰয় )
৯৮) মন বান্ধ খা ( মন দমা / মন কাবু কৰ )
৯৯) জধা মূৰ্খ ( মহা মূৰ্খ )
১০০) উৰহীৰ ওৰ ( আচল কথা / প্ৰকৃত কথা )
১০১) জয়দেউ কাকূতি ( অতি অনুনয়-বিনয় কৰা )
১০২) ৰমক-জমক ( জিলমিলাই থকা )
১০৩) তলা-নলা ( আঁতি গুৰি )
১০৫) ভিৰাই লৰ মাৰ ( পলোৱা )
১০৬) চিকা চন্দা ( ভাল বেয়াৰ বিচাৰ কৰা )
১০৭) চাউল উঠ ( জীৱিকা বন্ধ হোৱা )
১০৮) নলে-গলে লগা ( পৰম বন্ধু )
১০৯) নলগা জেঙাত লাগ ( অযথা মূৰপাতি লোৱা )
১১০) নগুৰ-নাগতি ( কষ্ট পোৱা )
১১১) নপতা ফুকন ( নিজে নিজে ডাঙৰ হোৱা )
১১২) ডাল দৰিদ্ৰ ( অতি দুখীয়া )
১১৩) ঠেৰু ছিগা ( নিৰাশ্ৰয় )
১১৪) ধোদৰ পচলা ( এলেহুৱা/ অকামিলা )
১১৫) পেটে ভাতে খা ( কোনোৰকমে খাই-বৈ চলি থাক)
১১৬) নাকত তেল দি শোৱা ( কোনো চিন্তা-ভাবনা নকৰাকৈ থকা )
১১৭) মুখ লাগ ( চকু লগা / অমংগল হোৱা )
